MY PIKIN NO BE TERRORIST OO, WHO TALK SO?

Attin una remember dat guy wey soldiers gbab for kaduna unto say he fit dey one of those wey arrange heavy banger to murd oga buhari, toh! Him mama don comot ooo, and d maleh dey raise voice say her pikin no be terrorist fah! As e be now, who dey blow lie and who dey talk true? We never know. But why the bros J sef go dress like yanrinyan dey run colour parade for area wey bomb dey blow like banger,like say christmas don near. all join sha. na him sabi.

BROS V.E.C DON BEG OOOO

Senior barry boy vector don arrange abeg make una no vex leta give him before ogas dem for YSG entertainment. Una go remember say the last twelve months no go well with bros after gbege burst between him and him record label. But like this like this, V.E.C  don show say him na senior man for real as e don arrange make una no vex leta give dem. Barry boy go say na coperation cause am wey rice for get chance full pot.

DEPOT GATE DON OPEN OOOO, BOKO, UNA BEANS DON BURN. NA ARMY RECRUITS TALK SO.

Na today the transformation go start for some bloody civillians wey don decide to serve their papa land. Tata don start fall in nigerian army depot zaria, kaduna state, recruits morale high, drill instructors mind dey sweet as food don come.  According to news, entry and bapatism go shele today then documentation go follow. Incase una no know, one heavy sign dey depot gate wey say “NO GOING BACK” na only two things dey involved, pass out after six months or murd for dia. But one thing weysure be say after six months, boko haram beans go burn their garri go soak as boys wey don become men go wan test their rifles weda ed dey jab wella abi na moi-moi. Make una stay tuned for tori on wetin dey shele for dat zone.

SHU....! RECRUITS DEY RAISE GBEGE AGAINST COMMANDER.

No be small tin for 35AB Alamala barrack Abeokuta on 26^th July 2014 ooO, wey small small boys wey never even collect uniform kum go gather for the cantonment gate say dem ready to yagayaga the commander sake of say the whole recruitment process na magomago confirm. But as per say oga na sure guy, him treat dem jeje. At all at all na im bad pass, dat wan no say makee dem no pay for the yawa wey dem cause. Sergeant korofo treat their fuck-up pieces. Make una expect more tori unto this package.

EXCLUSIVE ARMED FORCES NEWS IN PIDGIN

Welcome to my world, enjoy exclusive inside story of the Nigerian armed forces in pidgin right here. This is my first publication, subsequent publications will come in pidgin english. Being the first of it’s kind, the idea is to make civillians aware of the happenings in military formations all over the country and to make it enjoyable and fun filled.

EXCLUSIVE ARMED FORCES NEWS IN PIDGIN

Welcome to my world, enjoy exclusive inside story of the Nigerian armed forces in pidgin right here. This is my first publication, subsequent publications will come in pidgin english. Being the first of it’s kind, the idea is to make civillians aware of the happenings in military formations all over the country and to make it enjoyable and fun filled.